Gaa-aabadiziwaad odaabaanag
Bizaanigo gi-daa-diba’waa odaabaan gemaa ginwaakodaabaan ji-aabaji’ad Animikii-wiikwedong Bimaashiiwigamigong gaye oodenaang.
Ayaawag ogo ge-onji-aabaji’ad odaabaan imaa Animikii-wiikwedong Bimaashiiwigamigong:
Gakina ogo gaa-ayaawaad imaa Animikii-wiikwedong Bimaashiiwigamigong ogashkitoonaawaa gaa-bimosesiwaad awiyag ji-boozi’indwaa. Inaakonigewin (ATPDR).
Inaakonigem ogo odabaanag ji-odaabaanag:
Odaabaanag aabaji’indwaa
(2) giishpin wii-aabaji’ad odaabaan, ikido awe gaa-dibenimaad odaabaanan ge-diba’ige’iwed ji-ayaawaad odaabaana’ ge-aabadizinid onjiing izhi.
Daaksii odaabaanag
Animikii-wiikwedong Bimaashiiwigamigong ayaawag daaksiig Roach’s Yellow Taxi gaye Diamond Lacey’s Taxi e-onji-dibendaagoziwaad.
Gaa-izhi-niizhiwaad Yellow Taxi gaye Diamond Lacey Taxi imaashiiwigamigong ayizhaawag. Ngoding gaawiin debisesiiwag, onizhishin dash niigaan ji-andomad daaksii.
Bizaanigo gaye gi-daa-boozitoon gaa-ditibiseg desabiwin giishpin gashkioosig awiya ji-bimosed inaakonigem aaniish imaa ATPDR.
Apii onwaadaman ge-izhaayin gidigoom niigaan ji-andomad Roach’s Yellow Taxi ginwesh ji-bii’osiwan.
Ganoosh giigidowinensing gaa-ayaag imaa app.
Giiyaabi wii-gikendaman iwe app omaa inaabin:
Roach’s Yellow Taxi
216 Camelot Street
Thunder Bay (Ontario) P7A 4B1
Giigidowin: 1 (807) 344-8481
info@roachstaxi.com
Diamond Lacey’s Taxi
113 Leith Street
Thunder Bay (Ontario) P7C 1M7
Giigidowin: 1 (807) 622-6001
thunderbaytaxi@yahoo.ca
URIDE
URIDE imaa Animikii-wiikwedong izhi-aabadan owe.
Bizaanigo imaa bimaashiiwigamigong onji-odaapinaawag gaa-wii-booziwaad.
Giigidon niigaan ji-andomadwaa. Aabajitoon iwe app gaa-izhinikaadeg.
Daa-ondinigaade iwe app imaa App Adaawewigamigong gaye Google Play.
Granite Town Cars
Oshki-odaabaan aabajichigan owe noongom apii.
Mii go omaa wenji-dibenjigaadeg ebimiwijigaadeg. Asinii bimaashiiwigamigong onji-odaapinaawag gaa-wii-booziwaad.
Omaa izhi-giigidog 807-472-6483.
Basing Izhi-bimizong
Bimaashiiwigamigong #3 Memorial imaa bimaashiiwigamigong izhaanaaniwan $3.00 eta e-inagindeg.
Giiyaabi gidaa-gagwedwe omaa clicking here. Gemaa giigidon 1-807-684-3744.
Gakina ogo Animikii-wiikwedong basag 100% gashkitoom ji-boozing, ayaamagan ge-izhi-booziiyin weweni gaye ge-izhi-biindigebizoyin.
Igi basag bizaanigo niizhin desabiwinan odaa-boozitoonan imaa.
Gaye basag gaa-dazhosesing daa-boozichigaadewan.
Gabeshiiwigamigong
Aanind gabeshiiwigamigoon oboozi’aawan awiya bimaashiiwiamigong onji, gaawiin memwaach ji-diba’igewaad ji-booziwaad daabishkoo ogo:
- Valhalla Inn
- Landmark Inn
- Hampton Inn
Bizaanigo godak gabeshiiwigamigoon daa-mikigaadewan aabajitoon giigidowin gaa-ayaamagak gaa-izhi-odaapinaman giwaaskwajiiwazh imaa bimaashiiwigamigong.
ATPDR
Gakina izhichigewinan gaa-ayaamagak imaa bimaashiiwigamigong ATPDR obiminizha’aanaawaa.
Daabishkoo owe gaa-ozhibii’igaadeg.
Ge-bimibizo’iwed oodenaang ji-izhaang
217 (1) Giishpin awiya gaa-bimibizo’iwed ikidod iwe ji-izhichiged ji-bimibizo’iwed awiyan oodenaang daabishkoo daaksii ginwaakodaabaan gemaa. Bas gemaa godak odaabaan gaa-aabaji’ind, mii ge-izhichiged awe, gaa-bimibizo’iwe ji-boozi’aad ini gaa-gashkitoosinig ji-bimosenid gemaa gaa-maagishkaanid gemaa animoshan gaa-wiiji’igod, gaye igi odaabaan gaa-izhi-boozichigaadegin desabiwinan gaa-bimaaboodegin.
Gaa-aabaji’indwaa odaabaanag
(2) Gaa-aabaji’indwaa odaabaanag giishpin awiya gaa-anokiid imaa gii-izhichiged ji-ayaawaad odaabaana’ gaa-aabadizinid daa-izhichige oninjiing awiya ji-gashkitood ji-bimibizod.